Clara victoria encunter Lumnezia
| Pirmin Lombris | Ivan Decurtins | ||
| Renato Curschellas | Simon Decurtins | Pirmin Monn | Remo Flepp |
| Fabio Flepp | Simon Caduff | Silvio Candinas | |
| Franco Curschellas | Christoffel Giger |
Reservas:
Simon Deck, Monn Rawin,
Absenzas:
Schmuki Matthias, Degonda Maurizio, Travassos Rafael (?), Monn Nico A. (serraus)gols:
12. min. 1 : 0 Silvio Candinas
20. min. 2 : 0 Remo Flepp
37. min. 3 : 0 Simon Deck
62. min. 4 : 0 Rawin Monn
64. min. 5 : 0 Ivan Decurtins
Il giug d’atun a Degen haveva Lumnezia gudignau ed aschia mudergiau bravamein la gnarva da Sedrun/Mustér. Las regurdientschas vid quei giug han giu per effect che l’equipa da casa ha entschiet en il giug cun pleina concentraziun. Senza brigliar surpren S/M il domini dil giug e smacca ils Lumnezians cuntinuadamein ell’atgna mesadad. Suenter ina biala attacca sur l’ala dretga vegn Silvio Candinas survius ella zona da puniziun cun in bal per tiara ed el marca il 1 : 0 ella 12. minuta. Buca ditg pli tard croda il 2 : 0 pils indigens. Remo Flepp survegn in bi pass sigl ur dalla zona da puniziun, cruschescha la lingia dils defensurs cun ina grondiusa acziun singula e batta il goli cun in beinplazzau siet el cantun bass. S/M dominescha vinavon il giug claramein e vegn aunc avon pausa tiel 3 : 0. A Simon Deck reussescha ei suenter in bal liung da semetter atras el duel encunter il defensur e batter il goli da Lumnezia cun in ferm e plazzau siet.
Suenter il tè da pausa il medem maletg. L’equipa da casa dominescha e controllescha claramein il giug. Ils Lumnezians sedefendan pruamein. Per atgnas caschuns da marcar tonscha ei denton buca en quei giug. S/M nezegia aunc duas da sias numerusas caschuns entochen alla fin dil giug. Ella 62. Minuta vegn Rawin Monn tier in bal rebattiu ella zona da puniziun e marca il 4 : 0 cun in siet per tiara. Cuort sissu marca Ivan Decurtins il gol dil di tiel resultat final da 5 : 0. Ord rodund 35 meters spedescha el in bal ord l’aria volley sur il goli ora ella reit. Daveras in bellezia gol (da dumengias).
Cun quella victoria ei la revanscha per la terrada digl atun gartegiada a moda perschuadenta.
Bilder
