success cumplein a Trun

success cumplein a Trun

Sedrun/Mustér gudogna a Trun. Suenter il remis a Tavanasa reussescha ei da migliurar empauet il giug ed aschia prender a casa tuts treis puncts. Il ballapei actual da S/M ha malgrad quella victoria aunc in brav potenzial per migliur.






Franco Curschellas
Christoffel Giger
Renato Curschellas
Simon Decurtins
Pirmin Monn
Ivan Decurtins
Fabio Tenner
Simon Caduff
Silvio Candinas
Nico A. Monn
Pirmin Lombris

reservas:
Deck Simon, Monn Rawin, Travassos Rafael

absenzas:
Remo Flepp (puniziun), Matthias Schmuki, Maurizio Degonda

gols:
39. min. 0:1 Christoffel Giger
57. min. 0:2 Silvio Candinas (penalti)

Era el secund giug da primavera reussescha ei buca propi all'equipa da sissum la Cadi da perschuader ils fans ed aspectaurs. Igl ei evident, ch'ils trenaments sin pastg mauncan e la segirtad el giug ei aunc buca avon maun. Aschia eis ei all'entschatta dil giug l'equipa da Trun/Rabius che dominescha levet il giug, senza denton saver crear schanzas da num e pum. Igl ei in giug fetg cumbativ, denton da magra qualitad. Cul decuors dil giug vegn S/M dad ulivar il giug. Cuort avon pausa croda lu igl emprem gol per S/M. Suenter in culp liber vegn Trun/Rabius buca da deliberar il bal ord la zona da puniziun aschia che Christoffel Giger vegn en in smugl tiel bal e spedescha quel da gol en.

Suenter il tè da pausa eis ei Trun/Rabius ch'emprova da metter sut pressiun igl adversari. Quei reussescha mo sporadicamein. A Sedrun/Mustér reussescha ei da tener il giug pli u meins sut controlla. A Trun/Rabius reussescha mo sporadicamein da crear malsegirtads e panica ella defensiun da S/M. Anzi, las cunterattacas da S/M daventan pli e pli malsegiras suenter pausa. Ella 57. min. croda il 0:2 per S/M. L'equipa da casa piarda il bal el miez dil plaz. Igl attacader da S/M metscha dall'ala seniastra siadora e survescha il bal a Christoffel Giger. Siu siet rebatta denton anavos dalla latta el plaz. El duell per quei bal vegn Ivan Decurtins tuccaus d'in defensur da T/R aschia ch'igl arbiter sancziunescha quell'acziun sco foul e penalti. Quell'occasiun lai Silvio Candinas buca fugir e marca il 2:0 per S/M. Il giug para dad esser ton sco decidius. S/M controllescha il giug e resta malsegirs cun cunterattaccas. T/R vegn buca pli da dar ina viulta al giug. Tuttinas havess il giug aunc saviu daventer hectics cuort avon la fin. Igl attaccader da T/R munchenta denton in penalti aschi ch'il resultat da 2:0 per Sedrun/Mustér resta tochen alla fin.

Fazit: Sedrun/Mustér tuorna a casa cun 3 puncts.Sin fundament dalla secunda mesadad ei la victoria buca engulada. Las attaccas da S/M ella secunda mesadad ein stadas pli malsegiras e perschuadentas che quellas dall'equipa da casa.
Zurück zur Übersicht
Unsere Partner & Sponsoren