victoria suenter fleivla entschatta
CB Sedrun/Mustér| 4 Matthias Schmuki | 16 Rawin Monn | ||
| 1 Renato Curschellas | 2 Simon Decurtins | 6 Pirmin Monn | 8 Remo Flepp |
| 3 Fabio Tenner | 15 Simon Caduff | 9 Simon Deck | |
| 12 Christoffel Giger | 14 Silvio Candinas |
reservas: Ivan Decurtins, Riccardo Monn, Nico A. Monn, Gian A. Bearth, Rafael Travassos
abents: Serafin Bundi (blessaus), Pirmin Lombris, Sergio Berther
suspendius: ----
gols:
8. min. 1:0 Schluein/Ilanz
21. min. 1:1 Rawin Monn
37. min. 1:2 Ivan Decurtins
65. min. 1:3 Remo Flepp
70. min. 1:4 Simon Deck
80. min. 2:4 Schluein/Ilanz
Suenter las empremas diesch minutas beinenqual aspectatur che sedamonda, schebein la parti a Brulf/Mustér hagi eventualmein gia giu entschiet la gievgia sera, pertgei beinenqual giugadur da Sedrun/Mustér para dad esser spirtalmein sco era fisicamein absents. Aschia eis ei l’equipa da casa che cumpara all’entschatta dil giug pliras gadas malsegir avon il gol da Sedrun/Mustér. Ina da quellas acziuns meina suenter 8 minutas tier igl 1:0 per Schluein/Glion. La defensiun amiez sto schar mitschar in attacader e quel lai – persuls avon il goli Renato – neginas schanzas a quel. Quei gol d’avantatg per igl adversari para lu plaunet da svegliar ils giugadurs da S/M. A partir naven dalla 15avla min. surpren il hosp da sisum la Cadi il dictat dil giug. Ina attacca suenter l’autra rocla ussa enviers il gol da Schluein/Glion. Ella 18avla min. vegn Remo Flepp mess a tiara ella zona da puniziun. Igl arbiter renviescha denton quei clar penalti. Duas minutas pli tard rebatta in siet da distanza da Simon Decurtins anavos dalla petga. Mo cuort sissu eisi aschi lunsch. Rawin Monn vegn survius neu dall’ala seniastra cun ina biala flanca da Remo Flepp e marca igl 1:1cul tgau. Veramein in fetg bi gol che meritass da vegnir impurtaus el cudisch da teoria. Sedrun/Mustér fa vinavon pressiun e sforza igl adversari ella defensiun. Els munchentan denton pliras caschuns. Suenter ina buna mes’ura spendra in defensur da Schluein/Glion e metta a tiara Ivan Decurtins ella zona da puniziun. Tenor reglement vess quell’acziun giu per consequenza in penalti e la carta cotschna pil defensur. Sulettamein igl arbiter taxescha quell’acziun autruisa e renviescha danovamein in clar penalti. Quei procura naturalmein per enqual emoziun davart da Sedrun/Mustér. Silsuenter augmenta S/M la pressiun e quella reacziun meina ella 37avla tiel secund gol pils hosps.Ivan Decurtins spedescha ina flanca da dretg da gol en.
Suenter pausa pli u meins il medem maletg. Sedrun/Mustér controllescha il giug. Las caschuns da marcar mauncan denton aunc all’entschatta dalla secunda mesadad. Suenter ch’igl arbiter renviescha ella 60avla min. il tierz (!!) penalti per Sedrun/Mustér e taxescha l’acziun digl attaccader Remo Flepp sco «Schwalbe» cun ina carta melna, procura il medem giugadur 5 minutas pli tard per la decisiun en quei giug. Suenter ina sperta attacca sur l’ala seniastra vegn el survius da Simon Deck cun in bi pass per tiara el dies dalla defensiun e marca cun in siet ord 15 meters il 3:1 per S/M. Cuort suenter sto il goli da Schluein/Glion schar rebatter in ferm siet da distanza dad Ivan avon ils peis da Simon Deck e che quel ha neginas breigias da marcar il 4:1. Suenter quei gol lai la concentraziun tier Sedrun/Mustér suenter empau aschia che l’equipa da casa vegn da scursanir sin 4:2 suenter ina cunterattacca.
Fazit: Cun excepziun dallas empremas sco era davosas diesch minutas sa la prestaziun da S/M vegnir taxada sco buna. Igl adversari ei vegnius dominaus per gronda part e la victoria ei claramein meritada. Igl um dil giug ei Rawin Monn cun siu bellezia gol cul tgau.Bilder
