partenza optimala
CB Sedrun/Disentis:
| 5 Pirmin Lombris | 11 Riccardo Monn C | ||
| 1 Curschellas Renato | 2 Simon Decurtins | 6 Pirmin Monn | 9 Simon Deck |
| 3 Fabio Tenner | 10 Serafin Bundi | 8 Remo Flepp | |
| 4 Matthias Schmuki | 7 Nico A. Monn |
Reservas: Franco Curschellas, René Epp, Rafael Travassos
Absents: Silvio Candinas, Christoffel Giger, Sergio Berger, Rawin Monn, Gian Andri Bearth
Suspendi: Ivan Decurtins, Simon Caduff
gols:7.1:0Monn Pirmin
17. 2:0Monn Nico A.
20.3:0Flepp Remo
35.4:0Epp René
43.5:0Flepp Remo
63.6:0Deck Simon
68.7:0Flepp Remo
85.8:0Travassos Rafael
Pigl emprem giug dil campiunadi 2013/2014 ei Laax a hosp a Sedrun. El giug da primavera vargada era ei gartegiau a Laax da far frunt bien e ditg a Sedrun/Mustér. Schegie che l’equipa da Laax entscheiva il giug cun dabia agressivitad ed engaschi ei il giug pli u meins currius suenter las empremas 20 minutas. Igl emprem gol per S/M marca Pirmin. Suenter in bi pass ella gassa cumpara el persuls avon il goli da Laax e lai negina schanza a quel cun in ferm siet per plaun el cantun dretg. Diesch minutas pli tard ei Nico A. Monn responsabels pil 2:0. Suenter ina biala cumbinaziun sur l’ala seniastra nezegia el ina bellezia flanca da Remo Flepp cul tgau. Quei gol procura per segirtad ellas retschas da Sedrun/Mustér e l’equipa da casa dominescha naven da quei mument il giug cumpleinamein. Laax reaghescha cun dapli direzzia. Quei ha denton negin effect sil decuors dil giug, auter ch’il fatg, che S/M sto remplazzar dus giugadurs blessai. Ella 20. min. vegn Riccardo Monn mess a tiara ella zona da puniziun. Remo Flepp marca il 3:0 cun in penalti. Suenter ina buna mes’ura croda il 4:0 per Sedrun/Mustér. Suenter in sbagl ella defensiun da Laax survescha R. Flepp il trenader René Epp e quel lai negina schanza al goli da Laax cun in siet el cantun liung. Il pli bi gol dil giug croda cuort avon pausa. Remo Flepp pren in corner direct e marca il 5:0 cun in bellezia siet volley.
Suenter pausa il medem giug. L’equipa da casa dat en vinavon il tun ed il hosp da Laax vegn tier buca ina solia suletta caschun da marcar. Aschia crodan entochen alla fin dil giug aunc treis gols: Ella 63. min vegn Simon Deck lantschaus ed el marca il 6:0 ord cuorta distanza. Cuort sissu in bi pass ella gassa da Serafin Bundi e Remo Flepp sieta siu tierz gol. Il gol tiel resultat final dad 8:0 contribuescha Rafael Travassos. Suenter in bal rebattiu marca el (ord posiziun dad offside) il davos gol dil giug.
Fazit:Suenter ina cuorta fasa empau gnervusa all’entschatta dil giug ha Sedrun/Mustér dominau igl adversari dil talitèr. Igl adversari da Laax perencunter ha gartegiau in di da fugir.
Bilder
