spiars il cumbat (da ballapei) a Rueun
| Ursin Deflorin | Ivan Decurtins | ||
| Flavio Schuoler | Simon Decurtins | Pirmin Monn | Silvio Candinas |
| Fabio Tenner | Simon Caduff | Simon Deck | |
| Nico A. Monn | Christoffel Giger |
Reservas:
Flepp Remo, Monn Rawin, Lombris Pirmin, Rafael Travassos
Absenzas:
Schmuki Matthias, Degonda Maurizio, Flepp Adrian (Jun. A), Curschellas Renato, Curschellas Francogols:
14. min. 0 : 1 Christoffel Giger
45. min. 1 : 1 Gusturanaj Arlijnd
80. min. 2 : 1 Gusturanaj Arlijnd
Sin in plaz dir e fetg maluliv entscheivan omisduas equipas il giug cun dabia cumbat e pauc ballapei (qualitad = 0). In giug cultivau cun cumbinaziuns per plaun ei buca pusseivels. Aschia vegn il bal spedius pil pli ad ault ed anavon culla speronza ch’in attaccader ni l’auter vegni leu tier ina caschun. Pressapauc sin quella moda metscha Christoffel Giger dall’ala dretga giudaora e tila en direcziun dil goli da Rueun. Cun in siet beinplazzau el cantun liung marca el il 0 : 1 per Sedrun/Mustér. Ella 29 min. vegn Rueun tier la caschun d’egalisar, il giugadur fallescha denton il penalti aschia ch’ei resta tier igl avantatg pils hosps dalla Cadi. Cuort sissu munchenta Christoffel Giger siu secund gol mo per pauc. Il goli da Rueun spendra sia equipa cun ina grondiusa parada sin siu siet da distanza. Pli u meins culla pausa reussescha ei a Rueun dad egalisar. Suenter in bal liug ella zona da puniziun vegn la defensiun da S/M buca da spidir naven il bal rebattiu aschia che Ali marca siu emprem gol ord cuorta distanza.
Suenter pausa pli u meins il medem maletg. Magra qualitad da giug, bals che sgolan vi e neu, fouls, cumbat e mo singulas caschuns da marcar sin omisduas varts. Cul decuors dil giug surpren Rueun denton levet il suramaun dil cumbat cunquei che la gronda part dils giugadurs ei corporalmein pli robusta e pli dira el cumbat um encunter um. Cun in conter vegnan els 10 minutas avon la fin tiel gol da victoria. Ali marca siu secund gol. Ils hosps fan silsuenter tuts sforzs dad aunc dar ina viulta ni silmeins egalisar. La defensiun da Rueun vegn denton da tener il resultat e spindrar la victoria ch’ei en tut priu meritada.
Fazit:All’equipa da S/M eis ei buca propi reussiu da tener petg corporalmein agl adversari aschia ch’ella ha stuiu acceptar l’emprema terrada ella runda da primavera.
Bilder
